Платформата TripAdvisor неодамна ги прогласи најдобрите плажи во светот за оваа година, а плажата Елафониси се најде на прво место на листата.
Овој мал архипелаг лоциран во близина на југозападниот брег на Крит е посебен по своето кристално чисто море и уникатниот песок со примеси на розова боја. Овој феномен доаѓа од ситни остатоци од школки, кои овозможуваат нереален поглед на плажата Елафониси.
До плажата се стигнува на необичен начин, пеш низ плиткото море. Всушност, водата помеѓу Крит и Елафониси е толку плитка што повеќето посетители само ги навлажнуваат нозете додека уживаат на преминот до островот покриен со бел песок.
Иако песокот е препознатлив по розовите нијанси, тие варираат во зависност од временските услови и количината на школки. Затоа на туристите им се советува да не очекуваат претерано интензивни бои, туку да уживаат во променливата природна убавина.
Исто така, се препорачува да ја посетите плажата рано наутро за да избегнете гужви и да го обезбедите вашето место, или навечер кога зајдисонцето е особено спектакуларно.
Плажата Миртос на Кефалонија е исто така на листата на најубави плажи, рангирана на 10-тото место. Оваа плажа е позната по својот уникатен пејсаж, опкружен со планини и пространост што нуди мир и тишина дури и во екот на сезоната.
По плажата Елафониси, следните плажи кои се сметаат за најубави се плажата Банана во Тајланд, плажата Игл на Аруба, плажата Сиеста на Флорида, потоа Праја де Фалесија во Португалија, Варадеро во Куба, Баваро во Доминиканската Република, Плаја де Муро во Шпанија, Келингкинг во Индонезија и Миртос во Грција.
