Од останати факти за никотинот кои нема да ви ги каже реклама:
Никотинот е главната состојка на цигарите и е причина поради која пушачите имаат потешкотии со откажувањето.
Никотинот претставува исклучително опасно соединение и создава силна зависност.
Честата изложеност на никотин влијае врз функцијата на мозокот и начинот на кој се справуваме со стрес, самоконтрола, учење и памтење на нови информации.
При внес на никотин во организмот, доаѓа до лачење на адреналин, со што доаѓа до зголемување на пулсот, нивото на крвниот притисок и забрзано дишење. После неколку часа, доаѓа до целосно метаболизирање на никотинот, па поради тоа се јавува потреба за нова цигара. Доколку нагло запрат со пушење, сериозните пушачи може да имаат траги од никотин во нивната урина и крвоток дури и после 2 недели. Ваквата зависност која ја создава никотинот е она што најмногу го прави опасен и штетен по здравјето.
Никотинот е особено штетен за помладите и може да има сериозни ефекти врз развојот. Особено е опасен за развојот на мозокот и когнитивните функции кај адолесцентите и помладите лица.
