На интересен начин почна еден натпревар во австриската женска фудбалска лига кога судијката наместо да фрла паричка, им подели по едно јајце на капитенките.
Натпреварот помеѓу екипите на Нојленгбах и Санкт Пелтен се играше синоќа на пладне, точно на католички Велигден.
По тој повод, судијката наместо со паричка традиционално пред натпреварот да одлучи која екипа прва ќе ја има топката, а која ќе бира страна, на капитенките им подели по едно јајце па тие кршејќи се решија која да бира прва.
Инаку, натпреварот заврши со победа на гостинките од Санкт Пелтен со 2:3, екипа која е и лидер во женската Бундеслига убедливо со перфектен скор од 13 победи на 13 натпревари.
