Францускиот тим реши годишнината од трагичната смрт на Емилијано Сала да ја одбележи така што изработи специјални дресови кои наликуваат на репрезентацијата на Аргентина.
Традиционалната жолто-зелена боја Нант в недела ќе ја замени со бело-небесносина, боите на аргентинската репрезентација.
Причината е одбележувањето на годишнината од смртта на напаѓачот Емилијано Сала кој со авион летајќи кон Велс се урна во Ла Манш на 21 јануари.
Аргентинецот Сала 3 и пол сезони го носеше дресот на Нант каде одигра 133 натпревари и постигна 48 голови (во сите натпреварувања), а дојде од Бордо, тимот кој Нант ќе го нагости в недела од 17 часот.