Наполи постигна договор со Манчестер Јунајтед околу трансферот на шкотскиот играч од средниот ред, Скот МекТоминеј.
Трансферот на МекТоминеј во Наполи ќе изнесува 30 милиони евра, а Јунајтед ќе добие проценти и од следниот трансфер, објави Sky Sports.
Трансферот сѐ уште не е склучен и зависи од тоа дали Шкотланѓанецот ќе постигне договор со Наполи за личните услови. Антониот Конте инсистира зделката што побрзо да се затвори, оти го планира МекТоминеј вои својата формација.
Репрезентативецот на Шкотска влезе во последната година од договорот со Манчестер Јунајтед, а клубот не ја искористи опцијата да го продолжи неговиот договор за уште 12 месеци.
МекТоминеј минатата сезона одигра 43 натпревари и постигна 10 гола за Манчестер Јунајтед. Дресот на „Црвените ѓаволи“ го носи од 2017 година, кога беше прекомандуван од клупската академија. Роден е во Англија, но одбра да ги брани боите на земјата на неговиот татко - Шкотска. Дури и Сер Алекс Фергусон ургирал за Скот да ја одбере Шкотска.
