Народна мелодија, пандемија, љубов: Песни кои ја одбележаа првата вечер на Евровизија

Првата полуфинална вечер на овогодинешниот Евросонг заврши синоќа, а во финалето се пласираа 10 земји: Швајцарија, Ерменија, Исланд, Литванија, Португалија, Норвешка, Грција, Украина, Молдавија и Холандија.

Големо внимание привлече настапот на претставничката на Албанија, Ронела Хајати, која ја отвори првата вечер со песната „Secret“.

Иако не се пласираше во финалето, за нејзиниот настап и денеска се зборува. Имено, таа на крајот од својот енергичен настап покажа двоглав орел, кој е симбол на Албанија.

Нејзиниот настап во полуфиналето за само два часа беше прегледан речиси 200.000 пати на YouTube. Многумина сметаат дека е неправедно што Ронела не се пласираше во финалето.

Remote video URL

Швајцарија

Мариус Беар ја претставуваше Швајцарија со песната „Boys Do Cry“. Тој на евровизиската сцена излезе облечен целиот во црно. Неговиот настап беше многу едноставен, само тој и рефлектор кој фрлаше светлина врз него во темнината. Сепак, тоа беше доволно за да се пласира во финалето.

Remote video URL

Ерменија

Ерменија ја претстави пејачката Роза Лин со песната „Snap“ која зборува за несоницата. Сцената за време на нејзиниот настап беше бела, централната позиција беше окупирана од кревет опкружен со ѕидови од кои изведувачката го вадеше тапетот под кој се наоѓаа стиховите од нејзината песна.

Remote video URL

Исланд

Исланд го претставуваа трите сестри Сигридур, Елисабет и Елин, кои ја започнаа својата заедничка кариера во 2011 година под името „Sísý Ey“ (по нивната баба). Песната „Með Hækkandi Sól“ е за најтемната зима што го чека сонцето кое ќе ги разнежни долгите ноќи со светлина и ќе ги стопли нашите прегратки.

Remote video URL

Литванија

Моника Лиу ја отпеа песната „Sentimentai“ која евровизиските фанови ја опишаа како „плашлива диско“.

Remote video URL

Португалија

Мариана Бриту да Крус Форжас Сека, со уметничко име Мару, ја претставуваше Португалија со песната „Saudade, saudade“. Откри дека песната е посветена на нејзиниот дедо кој починал. „Беше голем дел од мојот живот и од мене. Во песната зборувам за тоа колку ми недостига“, изјави Мару.

Remote video URL

Норвешка

Норвешките претставници оваа година беа членови на групата „Subwoolfer“ кои ја изведоа песната „Give That Wolf a Banana“ (Дај му на волкот банана) која зборува за коронавирусот. Сабвуферите се основани минатата година, се кријат зад маска и костум на волк, а се нарекуваат Кит и Џим. Нивниот вистински идентитет не е откриен, а тие се претставуваат како најголемата група во универзумот, формирана пред 4,5 милијарди години на Месечината каде што имале успешна поп кариера.

Remote video URL

Грција

Аманда Јорјади Тенфјорд ја претставуваше Грција со песната „Die Together“, која истражува голем број перспективи на врската што умира.

Remote video URL

Украина

Еден од најочекуваните настапи на вечерта беше оној на претставникот на Украина, оркестарот Калуш, кој ја изведе песната „Stefania“. Песната фронтменот Олех Псиук ѝ ја посвети на својата мајка, а тој тврди дека ова е најдоброто нешто што ѝ го направил во животот. Мелодијата лесно влегува во уво, впечатлив е настапот на изведувачите во носии во комбинација со народната носија на нивната земја. Според сите обложувалници, Украина ќе победи на Евровизија.

Remote video URL

Молдавија

„Zdob și Zdub“ по трет пат ја претставува својата земја на ова натпреварување, а оваа година ја изведоа песната „Trenulețul“. Комбинацијата од хармоника, виолина и гитара многумина ги потсети на фолк. „Хардкор фолк екстраваганција“ е термин што го користат членовите на бендот за да ја опишат нивната музика.

Remote video URL

Холандија

Холандската претставничка Стин ден Холандер, со уметничко име Ѕ10, ја изведе баладата „De diepte“.

Пејачката за време на настапот беше на подиумот во црн смокинг кој беше скратен напред, а долг назад. Сцената имаше драматично осветлување.

Remote video URL

Втората полуфинална вечер ќе се одржи в четврток, на 12 мај, а финалето е закажано за в сабота.

Тагови
реклама

Како изгледа балканско семејство на плажа?

Read more

Шест љубовни парови создадени еден за друг

Read more

Како да ја оживеете намалената желба за секс?

Read more

25 јуни 1876, Индијанците ја поразиле американската војска кај Литл Бигхорн

Read more

Музика

Шакира непрепознатлива по раскинувањето со Пике

Read more

Бијонсе објави нова песна, не ги одушеви обожавателите

Read more

Шакира објави нова песна, обожавателите мислат дека е посветена на Пике

Read more

10 работи што не сте ги знаеле за Фреди Меркјури

Read more
 

Сцена

Шакира непрепознатлива по раскинувањето со Пике

Читај повеќе
  • play_arrow

Бред Пит најави крај на кариерата

Читај повеќе
  • play_arrow

Објавен нов трејлер за четвртата сезона на „Stranger Things“

Читај повеќе
  • play_arrow

Бил Козби виновен за сексуална злоупотреба на малолетничка

Читај повеќе
  • play_arrow

Бијонсе објави нова песна, не ги одушеви обожавателите

Читај повеќе
  • play_arrow

Топ 20 тајни агенти од филмовите

Читај повеќе

Џенифер Анистон снимаше филм во Париз: Украина е толку блиску

Читај повеќе
  • play_arrow

Официјален тизер за новиот филм за Мерилин Монро

Читај повеќе
  • play_arrow

Шакира објави нова песна, обожавателите мислат дека е посветена на Пике

Читај повеќе