Катастрофален старт на сезоната на познатата НАСКАР трка Дејтона-500, трката почна со ретко видени инциденти, а во 14 круг се случи и верижен судир во кој учествуваа 16 автомобили.
Уште на почетокот возачите беа агресивни, а се случија и серија инциденти во кои за среќа никој не беше повреден.
Трката потоа беше прекината поради лошите временски услови, а продолжи доцна навечер и заврши по полноќ.
На крајот победа славеше 36-годишниот Мајкл Мекдовел за кого ова е првата победа во кариерата. Победникот си замина со 1.5 милиони долари.
Поради пандемијата, трката можеа да ја гледаат околу 30.000 гледачи наместо вообичаените 100.000.
