Играта Street Fighter 6 ќе им биде достапна на гејмерите за нешто повеќе од еден месец, но оние кои сакаат да ја пробаат пред официјалното пристигнување на пазарот можат да го сторат тоа благодарение на демото за конзолите PlayStation 4 и 5, додека демото за Xbox Series X/S и PC пристигнуваат на 26 април.
Во демото, гејмерите ќе можат да испробаат дел од режимот single player за World Tour и да создадат аватар за World Tour што ќе може да се пренесе во играта по нејзиното лансирање.
Capcom откри неколку детали за играта. Четири нови ликови ќе бидат додадени во првата година, при што Рашид (од Street Fighter V) ќе пристигне во летото 2023 година, A.K.I наесен, Ед на почетокот на 2024 година и Акума на пролет. Режимот World Tour ќе има некои RPG елементи. Гејмерите ќе можат да го користат својот аватар од режимот World Tour во онлајн режимот Avatar Battles.
Се очекуваат и нови функции за пристапност, вклучувајќи контролна шема која автоматски ќе изврши напад по притискање на копче. Ликовите ќе можат да покажуваат „трошење“ за време на борбата благодарение на новата функција Battle Damage, иако таа ќе биде достапна само во одредени офлајн режими.
Повеќе детали се откриени во видеото објавено на видеосервисот YouTube. Играта ќе биде официјално достапна од 2 јуни.
