Боенките за возрасни во последно време станаа многу популарни особено затоа што ефикасно го опуштаат мозокот и се многу добри за психата, пишува Metro.
Само неколку минути дневно минати во цртање и боење може да ви помогне да се релаксирате од секојдневието.
Истражување од 2017 година спроведено на Нов Зеланд покажа дека цртањето во склоп на линии ги намалува нивоата на стрес, депресија и анксиозност. Само 10 минути дневно е потребно да се намали стресот, а истовремено се подобрува креативноста.
Боењето на некој начин нè враќа в детството, што во одредени случаи е неопходно за да се ослободиме од стресот.
Состојбата на релаксација што ја постигнуваме со цртање и боење резултира со намалување на крвниот притисок, намалување на стравот, елиминирање на главоболката и дигестивните нарушувања.