На HBO Max платформата ќе почне нова научно-фантастична серија под режија на Ридли Скот. Станува збор „Raised by Wolves“, серија за мистериозна планета на која андроиди одгледуваат деца, откако Земјата е уништена во голема војна.
Првата сезона се состои од 10 епизоди, а Ридли Скот ги режираше првите две епизоди. Скот вели дека серијата акцентот го поставува на тоа што нас нè прави луѓе, семејство и нуди претстава што би било кога човештвото одново би почнало од почеток. Дали ќе преживееме, ќе бидеме подобри или полоши од претходно.
Од тоа што може да се заклучи од трејлерот, Ридли Скот и екипата не гледаат баш некоја блескaва иднина за човештвото бидејќи новата колонија е религиски поделена, а на андроидите Мајка и Тајка сè потешко им оди да го контролираат опстанокот на човештвото.
Трејлерот открива дека приказната ќе биде покомплексна од тоа што се опишува во најавата бидејќи освен луѓето, поделени се и андроидите бидејќи Мајка и Татко имаат сопствени визии за обнова на човештвото и некој од нив сака да биде повеќе од заштитник на луѓето, односно сака да им претставува Бог.