Репрезентациите на Англија и на Велс ќе го одиграат еден од решавачките натпревари во третото коло од групата Б.
Англичаните по две кола водат во групата Б, додека Велшаните имаат бод, но се чини дека дуелот меѓу двете селекции е веќе започнат.
Медиумите мечот веќе го нарекоа „Битка за Британија“, бидејќи се работи за тоа кој ќе оди во нокаут фазата.
На социјалните мрежи се појави видео од навивачи на двете репрезентации кои се тепаат во Шпанија. Настанот се случил во Тенерифе каде, како што пренесуваат шпанските и островските медиуми, има околу 2.500 навивачи.
Конфликтот се случил во кафуле, каде летале шишиња и маси, па продолжил и на улица.