Сагата на Френки де Јонг, 25-годишниот играч од средниот ред на Барселона, е една од најдолгите ова лето.
За потсетување, Барселона сака да се ослободи од својата ѕвезда бидејќи мора да го ослободи буџетот за плата. Де Јонг три месеци флертуваше со Манчестер Јунајтед, а сега се чини дека би можело да замине кај Челси.
Сепак, Холанѓанецот не сака да се откаже од својата многу висока плата во Барселона, која изнесува околу 18 милиони евра. Згора на тоа, неколку шпански извори наведуваат дека Барселона му должи одредена сума пари. Клубот уште еднаш е принуден да побара од носителите да се откажат од дел од платата, а Де Јонг не е подготвен за тоа.
Шпански Sport објави видео на кое навивачите на Барселона го исвиркуваат и навредуваат Холанѓанецот додека тој поминува пред стадионот.
„Прифати помала плата, кучко!“, извикуваа додека Де Јонг поминуваше покрај нив.