Севилја и Реал Мадрид в сабота ќе играат на стадионот Рамон Санчес Писхуан, во претпоследното коло во шпанското првенство.
Ова е многу важен натпревар за двата тима. Реал сака да го задржи второто место во лигата, додека Севиља со бодови може да стигне до местата кои водат во европските натпреварувања.
Но се чини дека Севиља нема да има целосна поддршка на стадионот. Според медиумите блиски до клубот, најверните навивачи решиле да не доаѓаат на стадионот поради преседанот што се случи оваа недела.
Имено, на напаѓачот на Реал Мадрид, Винисиус Жуниор му беше поништен црвениот картон против Валенсија.
Винисиус во текот на целиот натпревар трпеше навреди од трибините, а тоа ескалираше во последните моменти кога Бразилецот удри противник и доби црвен картон. После тоа, судиите на ВАР беа суспендирани бидејќи не видоа дека Винисиус всушност прво бил фатен за врат од противникот.
Навивачите на Севиља веруваат дека нема доволно докази за да се поништи црвениот картон на Винисиус и затоа не сакаат да дојдат на дербито. Тие ги повикаа и сите останати навивачи на клубот од Андалузија да го следат нивниот пример и да го бојкотираат натпреварот.
