Речиси сите кучиња за спиење влегуваат во свиткана положба. Сите мислиме дека така им е многу удобно, но причината е сосема поинаква.
Некои однесувања на нашите миленици се длабоко вкоренети во еволуцијата, па така е и ова, кое датира од времето кога сè уште не било нормално кучињата да живеат со нас и да спијат на каучот.
Често велиме дека кучињата се најдобри пријатели на човекот, меѓу другото и затоа што можат да ни пружат многу смеа и радост со своето необично разиграно однесување, но мора да се признае дека понекогаш знаат да бидат малку чудни - кога ќе ги наведнат главите додека им зборуваме или кога одеднаш ќе почнат да се тркалаат по подот.
Зошто кучињата ја наведнуваат главата на едната страна кога разговараме со нив?
Сепак, постојат и оние вродени кучешки навики и однесувања за кои експертите денес имаат научни објаснувања. Веројатно сте забележале дека кучињата секогаш се виткаат во топка пред слатко да заспијат: но, ако мислите дека тоа е само поради удобната положба, се лажете.
Маргарет Груен, доцент по бихевиорална медицина на Државниот ветеринарен универзитет во Северна Каролина, вели дека тоа има свои корени во еволуцијата на кучињата.
„Кога кучињата спијат во дивината, особено таму каде што е многу студено, тие копаат гнездо во земјата и се склопчуваат во него. Телото свиткано во топка им овозможува подобро да ја задржат топлината. Исто така, оваа поза ги штити нивните најчувствителни органи од потенцијални предатори“, објаснува таа.
Секако, на многумина им звучи глупаво, бидејќи знаат дека нивниот миленик не е во никаква опасност, но од кучешки аспект тоа е многу разумна тактика што ја наследиле од нивните предци.
