Ветеранот мораше да го напушти теренот синоќа против Јувентус, а тоа го направи со гримаса на лицето.
Златан Ибрахимовиќ излезе од игра во 66. минута поради повреда на коленото. Тогаш Милан имаше минимално водство и промашен пенал, но и без Швеѓанецот потоа го потопи Јувентус.
Ибра беше во борба за топка некаде на средината на теренот кога падна на земја во нешто што наликуваше на повреда без контакт. Издржа некоја минута, но потоа Анте Ребиќ го замени.
„Ибра не беше фит пред натпреварот, а сега чувствува болки во коленото и се надеваме дека не се работи за нешто сериозно“, рече тренерот на Милан, Стефано Пиоли за Sky Sport Italia.
Од таборот на Милан сѐ уште немаат споделено подетални информации околу повредата на Златан, а медиумите на Чизмата одат дотаму шпекулирајќи дека повредата не е наивна и дека Ибра може дури и да го пропушти Европското првенство, на кое му има фрлено голем мерак за што и се врати во репрезентацијата.