Суперѕвездата на Пари Сен Жермен, Нејмар, зборуваше за неговиот успех со францускиот шампион.
Бразилецот смета дека е во најдобра форма од неговото пристигнување во ПСЖ од Барселона за рекордната сума од 222 милиони евра во 2017 година.
На овој начин, Нејмар ги запечатува гласините дека сака да се врати во Барса.
Во своите три сезони во Пари Сен Жермен, Нејмар постигна 74 гола на 85 натпревари во сите натпреварувања. Несомнено, Бразилецот придонесува многу за успехот на парижаните, но она што навистина се бара е триумф во Лигата на шампионите.
– Научив многу во последните 3 години, имав одлични искуства, а некои не толку многу затоа што бев повреден. Со помош на моите соиграчи, успеав да ги надминам, како и да се фокусирам на она што навистина е важно – да го претвориме нашиот настап на теренот во титули. Верувам дека денес ги доживувам моите најдобри моменти во Париз. Создадовме семејство заради одличната цел што ја имаме пред нас. Сакаме да ја одбележиме оваа сезона со ЛШ. Ќе се бориме за тоа затоа што никогаш не сме биле толку блиску, заклучи Бразилецот.
Во последните 2 сезони, ПСЖ никогаш не успеа да го мине осминафиналето на најпрестижниот европски турнир. Еднаш загубија од Реал Мадрид, а еднаш од Манчестер Јунајтед. Сепак, Нејмар не успеа да учествува во реваншот против Реал Мадрид, како и во двата меча со Манчестер Јунајтед.
ПСЖ има одлична можност да стигне до полуфиналето оваа сезона, откако ќе спорат за своето место таму со Аталанта. Сепак, италијанскиот клуб е во одлична форма, а со оглед дека победникот ќе биде решен во еден натпревар, не место за потценување.
Оваа сезона, Нејмар има постигнато 13 голови во Лига 1 и 19 во сите натпреварувања носејќи го дресот на ПСЖ.
