Статистиката покажува дека половина од браковите завршуваат со развод, а повеќе од 50 проценти од мажите и жените имаат љубовни афери надвор од бракот. Се проценува дека 20 проценти од брачните партнери имаат секс помалку од шестпати годишно.
Антрополозите и зоолозите веќе една деценија тврдат дека помалку од 3 проценти од цицачите се природно моногамни и дека моногамијата не е во природата на луѓето и на животните. Луѓето тежнеат кон моногамија бидејќи генетски сметаат дека интимноста е поугодна, а со тоа и полесно ја постигнуваат. Физиолошките фактори исто така играат своја улога.
Така, луѓето со повисоко ниво на тестостерон потешко можат да останат моногамни. Модерната технологија, исто како и интернетот и мобилните телефони, го променија лицето на моногамијата во последните неколку години бидејќи им овозможија на луѓето лесна можност за изневерување.
Сексуалниот инстинкт може да се сврти во лична корист во моногамниот однос, а не против себе, тврдат експертите. Вродените машки и женски особини можат моногамијата во врската да ја направат неодолива за двајцата, зголемувајќи ја сексуалната желба.
Жените имаат вродена женственост којашто ги прави поотворени, поранливи и почувствителни кон мажите. И мажите и жените имаат корист од тоа бидејќи им овозможува подлабоко ниво на сексуално исполнување со оглед на тоа што на жените им е полесно откако ќе се доверат, а мажите можат да им пружат заштита и прибежиште.
Во обратен случај, ако мажот е нежен, а партнерката се чувствува безбедно и сакано покрај него, се создава заемна доверба. Доколку се одржува страста меѓу партерите тогаш и не е толку тешко да се остане верен во врската.