Постојат многу причини за неверство во врските и во браковите. Иако луѓето се свесни дека прават нешто погрешно, сепак се препуштаат на прељуба.
Најчести изговори на мажите кои веројатно сте ги слушнале се „сопругата не ми дава да дишам“, „немаме доволно секс“ и слично, но дали тоа се вистинските причини за неверство или се обиди за оправдување откако прељубникот е фатен на дело, пишува Guardian.
Мажите гледаат на неверството како на единствена опција кога нивниот однос е во лоша положба, дури и знаат за тоа да го обвинат нивниот измамен партнер, бегајќи од одговорноста за личните постапки.
Guardian оддели неколку причини поради кои мажите изневеруваат. Многу од нив се соочуваат со криза на средните години. Сакајќи и понатаму да бидат во центарот на вниманието и да останат шармери, наместо да се насочат кон партнерката во тие години бараат потврда од други жени, во недефинирани односи.
Кога ќе се појават проблеми во бракот или во врската наместо да се соочат со нив некои мажи изневеруваат. Тоа е свесен план од игра која ја осмислуваат знаејќи дека сегашната партнерка наскоро ќе им стане бивша.
Како друга причина се посочува посветеноста. Повеќето мажи бегаат од обврски. Некои, пак, се заглавени во нерешени трауми од детството и никако не можат да излезат од тој маѓепсан круг. Овие рани од детството ја отежнуваат посветеноста во врската и во повозрасните години доведува до недостаток на знаење како да сакаат. Всушност, имаат проблеми со самите себе и не знаат да покажат љубов кон партнерот.
Трагајќи за нешто што воопшто не им недостасува во врската или во бракот, многу мажи се одлучуваат за неверство. Често се фокусираат на негативното и сами се убедуваат дека нешто им недостасува во односот.