Арогантните возачи биле убедени дека полицијата не може да ги види додека престигнувале преку полна линија.
Кога станува збор за фаќање возачи кои прават сообраќаен прекршок, полицијата ќе користи каква било технологија што е легална и ѝ е финансиски достапна.
За тоа најдобро сведочи примерот од Полска, каде дрон им помага на силите на редот во лов на арогантни возачи.
Видеото снимено од полицијата на оваа земја покажува како автомобилите и мотоциклите се надгледуваат со беспилотни летала додека престигнуваат други возила преку полна линија, а возачите воопшто не се свесни дека нивните прекршоци се снимаат од горе.
Полициските дронови се доволно мали и летаат доволно високо, така што возачите кои го прават прекршокот не ги ни забележуваат.
Само кога сообраќајниот полицаец ќе излезе на патот за да ги запре, тие се сомневаат дека тоа е резултат на претходен прекршок, но дури и тогаш нема да знаат како биле „фатени“.
Полска не е единствената земја што ја користи технологијата на беспилотни летала за да ги фати несовесните возачи во прекршок.
Полициските сили во Велика Британија започнаа да користат беспилотни летала опремени со камери со висока резолуција и опрема за термовизиско снимање уште во 2019 година, а полицијата во Квинсленд, Австралија, ги пушти во употреба своите беспилотни летала ова лето за да открие нелегални улично трки со автомобили.