Инфектологот д-р Мијомир Пелемиш изјави дека нема простор за паника бидејќи новиот сој на вирусот, кој и да е, не менува ништо, дури ни во терапијата.
„Не треба да креваме паника, граѓаните на Србија се доволно исплашени веќе година дена. Ова за нив не значи ништо, дали тоа ќе биде британски сој, јужноафрикански, бразилски...затоа што науката досега не докажа ништо, освен дека овој сој побргу се шири. И тоа е единствено нешто што е докажано. Нема промени, мерките за заштита и понатаму остануваат исти“, истакна инфектологот на прес-конференција.
Почитување на мерките на заштита и вакцината се единствениот начин да го спречиме ширењето на коронавирусот во светот, изјави Пелемиш.
„Овие соеви се интересни за науката, да го оставиме тоа на нив, а кога ќе докажат нешто што е значајно и што треба да го знаеме, нормално дека ќе го примениме тоа. Нема промени ниту во терапијата“, вели инфектологот.