Актуелниот шампион по трет пат загуби во последните четири натпревари откако ноќеска на домашен терен беше изненаден од гостите од Флорида.
Откако завчера загуби дома од Бруклин Нетс, синоќа Лос Анџелес Лејкерс запиша нов пораз дома и тоа од сезонава просечниот тим на Мајами Хит.
На паркетот во Лос Анџелес најефикасен беше гостинскиот бек Кендрик Нан со 27 поени, а веднаш зад него беше неговиот соиграч Џими Батлер со 24 поени. Кај домашните 23 поени постигна Кајл Кузма.
Лејкерс е на делба на 2. место на Западот со скор од 22-9 колку што има и градскиот ривал Клиперс. Мајами е 10-ти на Истокот со скор од 13-17.
Резултати:
Шарлот Хорнетс - Голден Стејт Вориорс 102:100
Лос Анџелес Лејкерс - Мајами Хит 94:96
Хјустон Рокитс - Индијана Пејсерс одл.
Чикаго Булс - Сакраменто Кингс 122:114
Мемфис Гризлис - Феникс Санс 87:128
Портланд Треил Блејзерс - Вашингтон Визардс 111:118
