Во Северна Митровица во тек е акција на Косовската специјална полиција која со употреба на шок бомби и солзавец упадна во аптека, по што настанаа нереди на улиците.
Како што пишува Косово онлајн, полицијата со четири оклопни возила дошла од Јужна Митровица и упаднала во една до градските аптеки како и во други локации, со цел да провери царински документи за набавка на лекови.
Но, пред да влезат во објектот фрлиле шок бомби. Како што наведуваат, станува збор за спречување криумчарена роба, а полицијата запленила лекови во аптеката.
Граѓаните, шокирани од ваквиот упад на полицијата на север, се собрани на улици и раскрсници кои ги блокираат. Насобраните граѓани фрлаат камења, а полицијата, според зборови на сведоци на настанот, возвраќа со шок бомби.
Во текот на конфликтот е причинета материјална штета на автомобили кои се наоѓаат во близина, а најмалку едно возило е запалено.
Медиумите пренесуваат дека се слушаат гласни сирени,а наводно мобилната мрежа и интернетот во Северна Митровица не работат, пренесе порталот Klix.
