На средбата меѓу Индијана и Бруклин во НБА видовме еден несекојдневен момент што може да го прогласиме за спортски потег на денот, во најмала рака.
Во завршницата на третата четвртина Индијана водеше со 78:76, а на линијата за слободни фрлања застана Деандре Џордан.
Со репутација на еден од најлошите изведувачи на слободни фрлања, Деандре очекувано го промаши првиот шут, а сите негови соиграчи на теренот му пружаа рака за поддршка.
Но, истиот потег го направи и Џереми Лемб од противничката екипа, па центарот на Нетс одлучи да ја прифати „играта“, па се поздрави со играчот на Пејсерс.
Но, веднаш потоа следеше и неспортскиот потег.
Откако Џордан го погоди вториот шут, остана на местото од каде шутираше и му пружи рака на Лемб, но овој одлучи да го игнорира.
Џордан и неговите соиграчи на крајот се радуваа на победата со резултат од 106:105.