Доаѓаат две продолженија на вториот најгледан филм на Netflix, а се враќаат и главните ѕвезди.
Netflix соопшти дека две последователни продолженија на „Red Notice“ се во рана фаза на планирање, а се очекува враќање на главните ѕвезди Рајан Рејнолдс, Гал Гадот и Двејн Џонсон, пишува Deadline. Тие објавија дека Netflix се надева дека снимањето ќе започне на почетокот на 2023 година, во зависност од распоредот на главните актери.
Идните продолженија, исто така, ќе додадат нови ликови во акционата авантуристичка франшиза, а се очекува да се врати сценаристот и режисер Росон Маршал Турбер за новите продолженија.
Филмот дебитираше на Netflix на почетокот на ноември и брзо стана вториот најгледан филм на стриминг платформата на сите времиња, откако беше прегледан 277,9 милиони часа ширум светот. Тој беше веднаш зад „Bird Box“ со Сандра Булок, која имаше 282 милиони часови гледаност во тоа време.
На крајот на ноември, Џонсон рече дека акциониот филм е „најдобриот филм на Netflix досега“ во објава на Instagram во која наздрави за филмот со чаша текила.
Заплетот го следи агентот на Интерпол (Џонсон), кој во партнерство со крадец на уметнички дела (Рејнолдс), фаќа уште еден од најбараните криминалци во светот – ликот на Гадот.
„Гал, Рајан и Д.Џ. имаат толку неверојатна хемија и изгледаат одлично заедно“, рече продуцентот на филмот, Хирам Гарсија, во интервју за Collider во август.
Филмот беше и најскапиот филмски проект на Netflix досега, со буџет од 200 милиони долари.