Кошаркарите на Бостон Селтикс по продолжение го победија Орландо Меџик со резултат 116:111, со маестралната партија на Џејлен Браун, која постигна рекорд во кариерата.
Селтикс успеаја да се вратат по заостанување од 14 поени на 4 минути пред крајот изборувајчи се за продолженија, а потоа и победа во натпревар во кој неверојатниот Браун постигна дури 50 поени.
Браун во последната четвртина постигна дури 21 поен, а забележа и 11 скока и 4 асистенции.
Маркус Смарт додаде 17 поени, 7 асистенции и 7 скока за Селтикс, додека расположен беше и Денис Шродер со неговите 21 поен и 7 асистенции.
Теренс Рос го предводеше Орландо со 33 поени, а се истакна и Гери Харис со 23 поени.
Лос Анџелес Лејкерс на свој паркет ја победи Минесота Тимбервулфс со 108:103, а повторно добра партија пружи Леброн Џејмс со 26 поени, 7 скока и 5 асистенции. Му помагаа Малик Монк со 22 и Расел Вестбрук со 20 поени.
Кај Тимбервулфс прво име беше Наз Рид со 23 поени, а Ентони Едвардс додаде 17.
Далас Маверикс како гостни ја победи Оклахома Сити Тандер со 95:86 со скромна игра на Лука Дончиќ. Словенецот постигна 14 поени и запиша 10 асистенции.
Во редовите на Оклахома најефикасен беше Џош Гиди со 17 поени.
Торонто Репторс - Њујорк Никс 120:105
Бостон Селтикс - Орландо Меџик 116:111 прод.
Кливленд Кавалирс - Индијана Пејсерс 108:104
Сакраменто Кингс - Мајами Хит 115:113
Шарлот Хорнетс - Феникс Санс 99:133
Оклахома Сити Тандер - Далас Маверикс 86:95
Лос Анџелес Лејкерс - Минесота Тимбервулфс 108:103