Приказната на 27-годишниот Дин Шнајдер кој даде отказ на добро платена работа во Швајцарија, продаде сè што поседува и замина во Јужна Африка за да им помага на животните ги восхитува луѓето ширум светот. Многумина му завидуваат и му се восхитуваат на храброста, а други велат дека никогаш не би се осмелиле да го направат истото.
Претходно работел како експерт за финансии во Швајцарија, продал сè што има и заминал во Јужна Африка, каде живее и работи грижејќи се за дивите животни. Во близина на местото Хакуна Мипка се наоѓа простор на кој живеат хиени, зебри, бабуни и други диви животни, а него го сакаат сите.
Особено е видлива неговата љубов со лавовите кои неизмерно го сакаат и му веруваат.
Дин вели дека сака на луѓето да им ја пренесе љубовта кон животните бидејќи луѓето треба да го штитат тоа што го сакаат. Тој се труди да развие посебен однос со сите животни, а судејќи по неговиот Instagram каде го следат осум милиони луѓе, е доста успешен во тоа.
Дин Шнајдер на неговиот Instagram профил објави дека ќе се врати во Цирих, Швајцарија за да се види со неговите пријатели и роднини. Едвај чекаме да видиме како ќе реагираат лавовите кога ќе го видат по еден месец.