Далас Маверикс ги совладаа Портланд Трејл Блејзерс со 117:112 со уште едно одлично издание на нивниот најдобар играч Лука Дончиќ.
По два натпревари во кои имаше под 30 поени, Словенецот уште еднаш беше незапирлив и натпреварот го заврши со трипл-дабл учинок од 42 поени, 13 скока и 10 асистенции.
Да потсетиме, Дончиќ ја отвори сезоната со девет последователни натпревари на кои постигна повеќе од 30 поени, што е втора најдолга ваква серија на почетокот на сезоната во историјата на НБА. Подобар бил само Вилт Чембрлејн, кој врза 23 вакви натпревари пред 60 години.
На мечот со Орландо Меџик, Дончиќ беше запрен на 24 поени, а на следниот против Вашингтон на 22. Далас ги загуби и двете партии, но со уште едно добро издание на нивниот лидер стигна нова победа. Дончиќ стигна до 42 коша со 13/22 од поле и 15/18 од линијата за слободни фрлања.
Тоа беше четврти трипл-дабл за Дончиќ во кој постигна најмалку 40 поени. Повеќе вакви ефекти од него во НБА имаат само Оскар Робертсон (22), Џејмс Харден (16), Расел Вестбрук (13), Вилт Чембрлејн (7) и Леброн Џејмс (6).
Спенсер Динвиди додаде 20, а Кристијан Вуд 19 за Маверикс. Џерами Грант (37 поени), Демијан Лилард (29, седум скока, 12 асистенции) и Анферни Симонс (24, седум скока) беа најдобри кај Портланд.
ЛА Клиперс - Бруклин Нетс 95:110
Вашингтон Визардс - Јута Џез 121:112
Детроит Пистонс - Бостон Селтикс 108:117
Индијана Пејсерс - Торонто Репторс 118:104
Филаделфија 76ерс - Атланта Хокс 121:109
Мајами Хит - Шарлот Хорнетс 132:115
Далас Маверикс - Портланд Трејл Блејзерс 117:112
Њу Орлеанс Пеликанс - Хјустон Рокетс 119:106.