Реал Мадрид синоќа ја освои 34. титула на шампиони на Шпанија, по победата против Виљареал. На францускиот експерт Зинедин Зидан ова му е единаесеттиот освоен трофеј на клупата на Кралевите.
Зидан досега го водеше Реал Мадрид на 209 натпревари, а тоа значи дека во просек Французинот освојува трофеј со клубот на секои 19 натпревари.
Зидан синоќа ја освои неговата втора Ла Лига како тренер на мадридскиот клуб, а Французинот има освоено три Лиги на шампиони едно по друго од 2016 година до 2018 година.
Зидан го напушти Реал Мадрид по освоената трета Лига на шампони во 2018 година, но се врати десет месеци подоцна во март, 2019 година. Пред Зидан е Мигел Муњоз со 14 освоени трофеи, а за тој резултат му беа потребни 605 натпревари.