Вчера Манчестер Сити го совлада Манчестер Јунајтед во градското дерби со резултат 6:3 на крилјата на Ерлинг Холанд.
Неверојатниот Норвежанец учествуваше во пет од шесте постигнати гола на неговиот тим, а со тоа постави нов рекорд кој тешко дека некој некогаш ќе го достигне.
Холанд против Јунајтед го постигна третиот хет-трик сезонава, а за тоа му беа потребни само осум натпревари.
Претходниот рекордер беше легендарниот Мајкл Овен. За постигнување на Холанд доволно говори податокот дека на поранешниот најдобар играч во светот му беа потребни 48 натпревари за три хет-трика во Премиер лига.
Холанд постигна три гола против Кристал Палас и Нотингем Форест, а веќе има хет-трикови во Премиер лигата, исто колку и Кристијано Роналдо, Џејми Варди, Дидје Дрогба и Франк Лампард.
Серхио Агуеро има најмногу хет-трикови во англиското првенство - 12, но доколку Холанд продолжи да игра на ова ниво, нема сомнеж дека во блиска иднина ќе го собори и тој рекорд.