Ноќеска имаше многу богата програма ширум терените во НБА лигата, се одиграа дури 11 натпревари на кои доминираа играчите од екс-ју просторот.
Никола Јокиќ и Лука Дончиќ зад себе имаат уште една спектакуларна вечер во која ги предводеа своите тимови до триумф.
Неверојатна партија забележа Словенецот Лука Дончиќ во победата на својот Далас на гостувањето кај Кливленд со 120:112.
Дончиќ се истакна со неколку фантастични потези. Во еден напад во кој беше во дуел со Моузис Браун тој ја сокри топката, а потоа поентираше крај збунетиот Браун и со тоа стана хит на социјалните мрежи, а блескаше и со no-look асистенција.
Словенецот постигна 35 поени, 13 асистенции и 9 скока, останувајќи на само еден скок од трипл-дабл ефект.
Одличен беше и Никола Јокиќ кој продолжи со неверојатни игри и му донесе победа на својот Денвер на гостувањето кај Индијана со 125:118.
Српскиот центар забележа учинок од 37 поени, 13 скока и 9 асистенции, па и тој исто како и Јокиќ беше многу блиску до нов трипл-дабл учинок, недостасувајќи му само една асистенција.
Изненадувањето на вечерта го приреди Мајами, кој славеше на гостувањето кај Бостон со 106:98. Очекувано, Њу Орлеанс го совлада Портланд на гости, додека во многу возбудлив натпревар Феникс го совлада Голден Стејт.
Резултати:
Кливленд Кавалирс - Далас Маверикс 112:120
Индијана Пејсерс - Денвер Нагетс 118:125
Вашингтон Визардс - Орландо Меџик 127:110
Бостон Селтикс - Мајами Хит 98:106
Њујорк Никс - Шарлот Хорнетс 114:125
Торонто Репторс - Минесота Тимбервулвс 125:102
Хјустон Рокитс - Сакраменто Кингс 118:121
Оклахома Сити Тандер - Атланта Хокс 118:136
Сан Антонио Спарс - Мемфис Гризлис 111:112
Голден Стејт Вориорс - Феникс Санс 103:107
Портланд Треил Блејзерс - Њу Орлеанс Пеликанс 107:117
Табела: