Кошаркарите на Далас Маверикс ноќеска го победија Детроит Пистонс со 111:105, а нова блескава партија пружи Лука Дончиќ, кој одигра натпревар за историја.
Од самиот почеток се играше рамноправно, а откако Далас водеше во првата четвртина, во втората дојде до пресврт, па Пистонс на пауза заминаа со водство од 57:53.
Сепак, второто полувреме целосно им припадна на домашните, кои најпрвин ја намалија негативата, а потоа во последниот дел, на крилјата на Дончиќ, го свртија резултатот и остварија важна победа.
Дончиќ на паркетот мина 36 минути и за тоа време речиси и да немаше промашување. На крајот застана на 53 поени, а придодаде и 8 скока и 5 асистенции.
Словенецот сега има 5 одиграни натпревари со 50 или повеќе поени во своите први 5 сезони во НБА. Во последните 50 години тоа го направија само Мајкл Џордан и Леброн Џејмс.
Од друга страна, одлична партија одигра и хрватскиот кошаркар Бојан Богдановиќ, кој постигна 29 поени, поддржан од Беј, кој постигна 18.
Далас е седми во Западната конференција со 27 победи и 25 порази, додека Детроит е последен на Истокот со скор 13-39.
Резултати:
Филаделфија 76ерс - Орландо Меџик 109:119
Бруклин Нетс - Лос Анџелес Лејкерс 121:104
Минесота Тимбервулвс - Сакраменто Кингс 111:118 прод.
Оклахома Сити Тандер - Голдер Стејт Вориорс 120:128
Сан Антонио Спарс - Вашингтон Визардс 106:127
Далас Маверикс - Детроит Пистонс 111:105
Феникс Санс - Торонто Репторс 114:106
Портланд Треил Блејзерс - Атланта Хокс 129:125
Табела:
