Кошаркарите на Денвер Нагетс на свој паркет ja победија Атланта Хокс со 139:120, благодарение на трипл-даблот на Никола Јокиќ.

Незапирливиот српски кошаркар постигна 23 поени со 17 скока и 15 асистенции, а работите да бидат поинтересни, во четвртата четвртина воопшто не ни влзезе во игра.
Јокиќ за малку ќе постигнеше трипл-дабл во првото полувреме, но му недостасуваше една асистенција. Сепак, на почетокот на третата четвртина го потврди својот 144-ти трипл-дабл во кариерата.
Така, стана првиот човек кој за помалку од половина час игра собрал најмалку 15 поени, 15 скока и 15 асистенции.
Џамал Мареј постигна 21 поен, а Расел Вестбрук додаде 16 со 11 асистенции. На другата страна, Тре Јанг постигна 30 поени со 9 асистенции, додека резервистот Де'Андре Хантер додаде 20.
Карл-Ентони Таунс постигна 31 поен со дури 21 скок во натпревар во кој Њујорк Никс стигна до деветтата последователна победа во лигата со победата од 119:103 над Јута Џез.
Одличен беше и Џош Харт со 15 поени, 14 скока и 12 асистенции. Микал Бриџис постигна 27 поени, а ОуГи Ануноби уфрли 22 за Никс, додека Џејлен Брунсон го пропушти натпреварот поради полесна повреда.
Џордан Кларксон и Колин Секстон постигнаа по 25 за „Џезерите“, кои го загубија својот петти последователен натпревар.
Резултати:
Детроит Пистонс - Орландо Меџик 105:96
Вашингтон Визардс - Чикаго Булс 125:107
Мајами Хит - Њу Орлеанс Пеликанс 119:108
Њујорк Никс - Јута Џез 119:103
Торонто Репторс - Бруклин Нетс 130:113
Хјустон Рокитс - Далас Маверикс 110:99
Денвер Нагетс - Атланта Хокс 139:120
Сакраменто Кингс - Филаделфија 76ерс 113:107
Табела: