Кошаркарите на Денвер Нагетс го совладаа Вашингтон Визардс со 127:109 во „Капитал Уан“ арената во Вашингтон, а нова одлична партија пружи српскиот центар Никола Јокиќ.
Нагетс подобро влегоа во натпреварот и имаа водство по првата четвртина. Немоќна беше домашната екипа и во вториот дел, па предноста постојано растеше, а првото полувреме заврши со резултат 52:73.
И во второто полувреме екипата на Денвер ја држеше играта во свои раце, додека Визардс само во последната четвртина успеаја да го ублажат поразот.
Јокиќ повторно беше незапирлив и стигна до нов дабл-дабл со 29 поени и 13 скока. На тоа додаде 8 асистенции, а интересно е што одигра само 26 минути. Србинот имаше помош од На'Шон Хајленд кој постигна 17 поени. Кај Визардс најдобри беа Дени Авдија со 19 и Кристапс Порзињѓис со 16 поени.
Денвер е на 6. место во Западната конференција со 42 победи и 28 порази, додека Вашингтон е на 11. место на Истокот со сооднос 29-39.
Од останатите натпревари одиграни синоќа, за одбележување е победата на лидерите на Западот, Феникс Санс, кои го совладаа Хјустон Рокетс на гости со 129:112. Феникс го предводеа Девин Букер со 36 пени, Мајкал Бриџис со 26, а Диандре Ајтон запиша дабл-дабл со 23 поени и 11 скокови.
Резултати:
Шарлот Хорнетс - Атланта Хокс 116:106
Кливленд Кавалирс - Филаделфија 76ерс 114:118
Вашингтон Визардс - Денвер Нагетс 109:127
Бруклин Нетс - Далас Маверикс 111:113
Њујорк Никс - Портланд Треил Блејзерс 128:98
Хјустон Рокитс - Феникс Санс 112:129
Минесота Тимбервулвс - Лос Анџелес Лејкерс 124:104
Сан Антонио Спарс - Оклахома Сити Тандер 122:120
Јута Џез - Чикаго Булс 125:110
Голден Стејт Вориорс - Бостон Селтикс 88:110
Сакраменто Кингс - Милвоки Бакс 126:135
Лос Анџелес Клиперс - Торонто Репторс 100:103
Табела: