Кошаркарите на Денвер Нагетс синоќа ги победија Оклахома Сити Тандер со резултат 122:117, а Никола Јокиќ го оствари 78-от трипл-дабл во кариерата и се израмни со одличниот Вилт Чембрлеjн на шестото место на вечната листа.
Јокиќ го заврши мечот со 19 поени, додаде 16 скока и 13 асистенции, со што на крајот беше најдобар играч на својот тим и го предводеше Денвер до втората победа во три одиграни натпревари.
Рекордер според оваа статистика е Расел Вестбрук, кој во кариерата остварил 194 трипл-дабл учиноци, втор е Оскар Робертсон, со 181 трипл-дабл, додека трет е Меџик Џонсон со 138.
Пред Јокиќ сега се Џејсон Кид кој има 107 и Леброн Џејмс кој има 105 трипл-дабл учиноци.
Што се однесува до другите натпревари одиграни синоќа, треба да се издвојат победата на Далас против Мемфис од 137:96 со одличната партија на Лука Дончиќ, кој постигна 21 поен за осум минути игра, како и победата на Милвоки на домашен терен против Хјустон од 125:105.
Филаделфија - Сан Антонио 105:114
Индијана - Детроит 124:115
Орландо - Бостон 120:126
Чикаго - Кливленд 96:128
Мајами - Торонто 112:109
Милвоки - Хјустон 125:105
Далас - Мемфис 137:96
Денвер - Оклахома 122:117
Сакраменто - ЛА Клиперс 109:111.
