Египетскиот репрезентативец го отвори резултатот синоќа во Мадрид, со што запишувајќи се во листата на стрелците постави нов клупски рекорд.
Мохамед Салах постави нов рекорд во историјата на Ливерпул откако стана првиот играч кој успеал на 9 натпревари по ред да постигне гол, достигнување кое никому во долгата клупска историја, која патем датира уште од 1892 година, не му успеало.
Ливерпул синоќа славеше на гостувањето кај Атлетико со 3:2, а Салах уште во 8. минута постигна гол најавувајќи ја победата која потоа во 78. минута од белата точка и ја завери.
Салах сезонава игра маестрално за Ливерпул и веќе на Островот велат дека тој се наоѓа во најдобрата форма во својата кариера. Откако почна новата сезона тој во сите натпреварувања има постигнато 12 гола, од кои на 9 натпревари во низа. Неговата непрекината низа почна на крајот од август која од пенал погоди против Челси (1:1) во Премиер лигата. Оттогаш, тресеше мрежи на сите натпревари на кои играше, а жртви му беа Лидс, Милан, Кристал Палас, Брентфорд, Порто, Манчестер Сити, Вотфорд и сега Атлетико.
Единствениот натпревар на кој не постигна гол, а се наоѓа меѓу оние во низата, беше оној против Норвич во Лига купот, но од проста причина што тогаш не играше добивајќи заслужен одмор.
А, пак, единствениот натпревар на кој настапи, а не постигна гол сезонава е оној од 2. коло во Премир лигата против Барнли. Низата ја почна после тој дуел. Да погодеше и тпгаш сега низата ќе гласеше 11 натпревари, бидејќи гол даде и во 1. коло.
За разлика од настапите во својот клуб, со репрезентацијата на Египет не може да се пофали со слична форма. Во септемвриските и октомвриските мундијалски квалификациски натпревари трипати одигра цели 90 минути, но ниту еднаш не се запиша во листата на стрелци, а противници му беа Габон и двапати Либија.
