Кошаркарите на Мајами Хит и Феникс Санс, првиот и петтиот фаворит во лигата, се пласираа во финалето на НБА-конференцијата откако беа убедливи против Филаделфија 76ерс и Далас Маверикс во синоќешните натпревари.
Двете екипи водат со 3:2 во серијата, а првата шанса за финалето ќе ја имаат на гостински терен ноќта од четврток кон петок.
Мајами Хит ги смири 76ерс кои се вратија од мртвите во серијата откако им се придружи Џоел Ембиид, и ги победи со високи 120:85. Првото име на натпреварот беше Џими Батлер со 29 поени, девет скока и шест асистенции, а му асистираше Макс Струс со 19 поени и 10 скока. Ембиид упати само 12 шута од игра, но со 17 поени го заврши мечот како најдобар стрелец на својот тим.
Речиси исто толку ефикасен беше и Феникс против Маверикс кои ги испратија дома со 30 поени предност (110:80). Девин Букер имаше 28 поени и седум скока, што беше нешто послаб учинок од Лука Дончиќ на другата страна од теренот (28 поени, 11 скока). Дончиќ уште еднаш имаше добра помош од Брунсон (21 поен, 7 скокови), но овојпат тоа не беше доволно.
Клучната предност Санс ја направија во третата четвртина кога имаа серија од 17:0, а конечната статистика открива дека шутирале дури 16% подобро од игра. Крис Пол даде само седум поени, но имаше десет асистенции.
