Ниту магичниот Словенец не успеа да му помогне на Далас да не загуби од второпласираниот на Западот.
Во „ЕјчПи Филд Хаус“ арената во Орландо Лос Анџелес Клиперс извојуваше победа од 15 поени разлика над тимот на Далас Маверикс. Латвиецот Кристапс Порзињгис беше најефикасен со 30 пени, а неговиот соиграч Лука Дончиќ запиша 29, но и покрај тоа Далас го загуби натпреварот. Кај Клиперс се истакна Каваи Ленар со 29 поени.
Далас со скор од 41-30 и 71 одигран натпревар е на 7. место во Западната конференција, но и покрај тоа е сигурен патник во плеј-офот, исто како и Клиперс кој е втор со 42-22.
Сакраменто постигна 140 поени во победата над Њу Орлеанс кој стигна до 125. Србинот Бојан Богдановиќ со 35 поени беше најефикасен на натпреварот, а нековиот соиграч од Кингс, Де’Аарон Фокс запиша 30. Кај Пеликанс најмногу се истакна Зион Вилијамсон со 24.
Сакраменто е 12-ти со скор од 29-39, додека Њу Орлеанс е едно место подолу со ист скор, но полоша кош-разлика. И двата тима уште имаат шанси да дојдат до тоа последно осмо место на Западот.
Резултати:
Сакраменто Кингс - Њу Орлеанс Пеликанс 140:125
Милвоки Бакс - Мајами Хит 130:116
Феникс Санс - Индијана Пејсерс 114:99
Далас Маверикс - Лос Анџелес Клиперс 111:126
Денвер Нагетс - Портланд Треил Блејзерс 115:125
Хјустон Рокитс - Лос Анџелес Лејкерс 113:97