Откажана е борбата меѓу Рикo Верховен и Алистер Оверим, кикбокс спектакл на годината кој требаше да се одржи на 23 октомври.
Главната борба на Glory Collision 3 требаше да биде средба за шампионска титула во тешка категорија. Верховен требаше да ја брани титулата против повратникот во кикбокс, Алистер Оверим.
Сепак, до мечот нема да дојде поради повреда на Оверим, па борбата е откажана.
Легендарниот кикбоксер и ММА ѕвезда се извини поради тоа.
„Никогаш претходно не сум откажал борба и верувајте дека ова беше тешка одлука. Со повредата се борам повеќе од еден месец. Пред неколку недели не можев да одам, но по неколку третмани се чувствував подобро и се вратив на тренинг. Повредата се влоши и не можев да ги изработам целиот тренинг. Да сум подготвен 90, па дури и 80 проценти би влегол во рингот. Но, сега сум спремен 40 проценти и со тешко срце ја откажувам борбата“, порача Оверим.
Засега не е познато дали Верховен ќе добие нов противник за 23 октомври.
