Nissan ја разгледува можноста да продаде две свои фабрики на Стариот континент, имајќи предвид дека јапонскиот производител подготвува план за рехабилитација додека глобалната автомобилска индустрија прави скапи чекори во насока на електричните возила.
Повикувајќи се на анонимни извори, Bloomberg објави дека Nissan веќе покажува интерес за потенцијални купци за неговите фабрики во Велика Британија и во Шпанија.
Другата опција што ја разгледува јапонскиот автомобилски гигант е да продаде една од фабриките, со оглед на тоа дека му опаѓа пазарниот удел во Европа. Иако конечна одлука уште нема, меѓу потенцијалните купци за фабриките има неколку кинески компании.
Профитот на Nissan во првата половина од годинава падна речиси на нула, а новиот извршен директор Макото Учида се соочи со проблеми од самиот почеток на неговиот мандат.
Меѓутоа, портпаролката на Nissan рече дека во моментов, јапонскиот производител не планира да ги продаде погоните во Европа.
Nissan уште во јули најави дека планира да укине 12.500 работни места ширум светот бидејќи сака да се фокусира на матичните пазари – САД и Кина.
Исто така, Nissan размислува да ги увезува своите модели во Европа директно од Јапонија, сега кога веќе нема трговски препреки од ЕУ. Ако направи ваков потег, веќе нема да му бидат потребни фабрики во регионот.
Nissan веќе најави низа мерки за намалување на трошоците во Европа, вклучувајќи укинување на 600 работни емста во фабриката во Барселона која моментално работи со капацитет од помалку од 200.000 возила годишно.
Вабриката во Сандерленд, Велика Британија исто така беше во фокус, откако Nissan ги предупреди локалните власти дека Брегзит без договор би го направил овој објект неодржлив.