Според студија во која биле опфатени 45.000 пациенти, повеќето несакани реакции што луѓето ги доживеале по вакцинирање против ковид би можеле да бидат последица од ноцебо ефект.
Ноцебо ефект се појавува кога пациентите доживуваат нуспојави на третмани бидејќи тоа и го очекуваат, пишува Science Alert.
Во мета-анализа на 12 плацебо контролирани клинички испитувања, тим истражувачки од медицинскиот центар „Beth Israel Deaconess“ (BIDMC) во Бостон откри дека до 64% од несаканите ефекти може да се припишат на овој вид загриженост.
„Несаканите настани по плацебо третман се чести во контролирани испитувања“, вели Јулија Јас од Центарот во Бостон.
Собирањето систематски докази во врска со овие ноцебо одговори од испитувањата за вакцини се важни за вакцинацијата против ковид ширум светот, особено затоа што загриженоста поради несакани ефекти е една од причините за двоумење кога станува збор за вакцинацијата.
