BMW ја претстави најмоќната верзија на Series 8
Покрај стандардната верзија на Series 8, BMW од денеска во својата понуда ќе ја има и верзијата Competition, која пристигнува на пазарот со мотор од 625 коњски сили. Купувачите досега можеа да бираат помеѓу две каросериски верзии – Coupe и Cabrio, а третата верзија е наменета за оние возачи со спортски дух кои уживаат во брзината.
Од компанијата велат дека максималната брзина на верзијата Competition е електронски ограничена на 250 км/ч, но купувачите ќе имаат опција да доплатат за M Driver пакет со кој M8 Competition ќе може да забрза и до 305 км/ч.