Голманот на Баерн е претпазлив, Челси е во криза и е далеку од оној гигант што беше, но сепак стигна до осминафиналето што не е мала работа.
Мануел Нојер веднаш по развршувањето на осминафиналната жрепка од Лигата на шампиони даде свое кратко видување за добиенот противник.
Баерн е голем фаворит во овој двобој особено и поради фактот што е единствената екипа која со максимален ефект ја мина групата. Тука е и лошата сезона која Челси ја игра, во Англија се големо разочарување, а во Лигата на шампиони завршија втори зад Валенсија.
„Жрепката ја гледавме тимски. Се радуваме што ќе одиме во Лондон. Имавме неколку интересни дешавки таму. Се разбира, се сеќаваме и на финалето во Минхен во 2012. Тие се опасен тим, мораме да ги сфатиме сериозно. Ќе мора да одиграме крајно фокусирано за да поминеме во наредната фаза“, рече Нојер.
Баерн и Челси се сретнаа во финалето во 2012 година кога токму „Алијанц“ арената беше домаќин. Но, Англичаните не му дозволија на баварскиот клуб да се радува пред домашната публика. Натпреварот заврши 1:1, а Челси потоа славеше на пенали со 4:3. Нојер беше тогаш на голот на Баерн и уште во првата серија го одбрани пеналот на Хуан Мата, но потоа беше немоќен во останатите четири.
Наредната 2013 година Баерн во Лондон конечно дојде до драгоцениот пехар совладувајќи ја Борусија со 2:1 во германското финале. Нојер и тогаш беше помеѓу стативите.