Два модели на финската компанија од почетокот на овој век, Nokia 6300 и Nokia 8000, се враќаат на пазарот во модерно руво.
Работат на оперативен систем KaiOS, од кој Nokia не се откажува, и ја поддржуваат можноста за 4G мрежи, како и WhatsApp, YouTube, Facebook, Google Maps и многу други.
Nokia 6300 4G се очекува да чини 49 евра, додека за Nokia 8000 изгледа ќе треба да издвоите 79 евра. Како што истакна HMD Global, тие ќе бидат достапни „само на избрани пазари“.
Nokia 6300 4G наводно ќе има 2,4-инчен екран со резолуција од 320×240 пиксели, чипсет Qualcomm Snapdragon 210 и 512 MB RAM меморија. Исто така, доаѓа со 4 GB внатрешна меморија, поддршка за microSD картички до 32 GB, VGA камера на задната страна, 3,5 mm аудио приклучок и FM радио.
Кога станува збор за поврзувањето, би требало да има Wi-Fi, Bluetooth, A-GPS и microUSB поддршка, како и батерија од 1.500 mAh. Изгледа прилично слично на моделот од 2006 година, иако има две дополнителни копчиња.
Nokia 8000 4G ги има скоро истите карактеристики како Nokia 6300, само што има подобра камера (2MP) и 2,8-инчен екран.
