Зад нас е најемотивната ноќ за Лука Дончиќ во дресот на Лос Анџелес Лејкерс, кој играше против својот поранешен клуб Далас Маверикс, а дуелот донесе бројни интересни ситуации.
Словенецот имаше многу причини да се докажува и да бара одмазда. Тој за прв пат се соочи со своите долгогодишни соиграчи и се сретна со луѓето кои го пуштија во Калифорнија без негово знаење. Практично на непрофесионален начин беше исфрлен од Далас, па не е чудо што беше крајно мотивиран да му покаже на генералниот менаџер Нико Харисон дека погрешил.
Дончиќ ја заврши ноќта со трипл-дабл. Против својот поранешен клуб постигна 19 поени, додаде 15 скокови и направи 12 асистенции и беше еден од клучните двигатели на победата од 107:99.
Но, по една тројка, тој создаде сцена која го обиколи светот. Прво погоди одлична тројка, негова прва на натпреварот, а потоа луто и решително погледна кон клупата на Далас, гледајќи гневно кон поранешните соиграчи, но и кон Нико Харисон, човекот кој го трејдуваше.
Dallas Mavericks GM Nico Harrison watching Luka Dončić shoot free throws as fans chant “Thank you, Nico!” pic.twitter.com/q8r5TmB9v0
— Grant Afseth (@GrantAfseth) February 26, 2025
Харисон е шеф на кошаркарските операции и генерален менаџер на Далас Маверикс, човекот кој е најзаслужен за трансферот на Дончиќ во Лејкерс.
Токму нему навивачите на Лејкерс му скандираа и пееја во поголемиот дел од натпреварот. „Ти благодараме Нико“ скандираа навивачите на Лејкерс во текот на целиот натпревар.
LUKA DRILLS THE 3 AND STARES DOWN THE MAVS BENCH 😳 pic.twitter.com/CDp9KIu9B6
— Lakers All Day Everyday (@LADEig) February 26, 2025
Одличен беше и Леброн Џејмс со 27 поени и 12 скокови, додека Кајри Ирвинг постигна 35 поени за Далас, но ниту тоа не беше доволно неговиот тим да победи.
Резултати:
Лос Анџелес Лејкерс - Далас Маверикс 107:99
Голден Стејт Вориорс - Шарлот Хорнетс 128:92
Торонто Репторс - Бостон Селтикс 101:111
Орландо Меџик - Кливленд Кавалирс 82:122
Хјустон Рокитс - Милвоки Бакс 100:97
Мемфис Гризлис - Феникс Санс 151:148
Њу Орлеанс Пеликанс - Сан Антонио Спарс 109:103
Табела:
