Најдобриот тенисер на сите времиња, Новак Ѓоковиќ, од почетокот на годината е во Австралија каде ја започнува новата сезона и дава низа изјави и интервјуа за тамошните медиуми.
Во едно такво ги шокираше сите кога раскажа што му се случило во 2021 година, кога, бидејќи не беше вакциниран против коронавирусот, беше сместен во имиграциски центар, пред да биде депортиран од земјата.
Имено, Ѓоковиќ рече дека потоа бил отруен со храна во имиграцискиот центар.
„Навистина ми се слоши, но откако поминаа неколку дена откако обичниот вирус толку многу ме потресе, лекарскиот тим дојде да ме провери во мојот стан. Ова се случи неколку пати, а потоа направив токсикологија. Кога се вратив дома, имав здравствени проблеми и сфатив дека сум отруен со храна во тој хотел во Мелбурн, никому не му кажав за ова, но кога се вратив во Србија открив високо ниво на тешки метали во мене. Имав во себе високо ниво на олово и жива“, раскажа Новак.
Тогаш новинарот го праша дали сепак одлучил да се вакцинира.
„Не, не! Затоа што мислев дека не ми треба вакцината. Јас сум здрав човек, се грижам за моето тело и здравствените потреби, јас сум професионален спортист и затоа внимавам што ставам во себе. Редовно правам разни тестови, крв, сѐ живо... Знам точно што се случува, па не почувствував потреба да се вакцинирам. Важно е да кажам дека не бев опасност за никого. Бидејќи имав антитела“, изјави Ѓоковиќ.
Австралиското Министерство за внатрешни работи, контактирано во врска со неговите тврдења, кратко соопшти дека „од безбедносни причини не можат да коментираат поединечни случаи“, пренесува локалниот весник GQ.
Новак наскоро ќе го започне настапот на Австралија опен каде ќе бара нова Грен слем титула и севкупно 100-та титула во кариерата.
Претходно, минатата недела шокантно беше елиминиран веќе во четвртфиналето на АТП турнирот во Бризбејн од Рајли Опелка.
