Синоќа се одржа деведесет и третото доделување на Оскарите, на кое беа доделени наградите за најдоброто во филмската индустрија за 2020 година.
„Nomadland“ доби Оскар за најдобар филм, а актерката Франсес Мекдорманд доби Оскар за улогата во „Nomadland“, додека Клои Жао освои Оскар за најдобра режија за истиот филм.
Клои е првата жена од друга националност којашто освоила Оскар за Најдобра режија, додека Мекдорманд освои трет Оскар и стана дел од екипата актери со три Оскари за глума: Ингрид Бергман, Валтер Бренан, Даниел Деј-Луис, Џек Николсон и Мерил Стрип.
Вистинско изненадување е тоа што актерот Ентони Хопкинс доби Оскар за улогата во филмот „The Father“. Хопкинс по освојувањето на Оскарот му одаде почит на покојниот Чедвик Босман. Потоа изјави дека не очекувал да добие втор Оскар на 83-годишна возраст.
„Ова навистина не го очекував, многу сум благодарен и почестен. Би сакал да го спомнам Чедвик Босман, актерот кој си замина премногу рано. Ви благодарам на сите“, изјави кратко актерот.
Оскар за Најдобар странски филм освои „Another Round“, додека Најдобар анимиран филм е „Soul“, кој исто така освои и Оскар за Најдобра оригинална музика.
Најдобар краток филм е „Two Distant Strangers“, додека Оскарот за Најдобри визуелни ефекти отиде кај Tenet.
Целосната листа на добитници може да ја погледнете овде.