И без голгетерот Сагосен репрезентацијата на Норвешка ја совлада Словенија и остана единствената репрезентација со максимален скор.
Откако Шпанија и Хрватска одиграа нерешено и ја прекинаа серијата победи, Норвешка ја совлада Словенија и остана единствената репрезентација со максимален учинок, 7 победи од исто толку натпревари.
Норвешкиот селектор се одлучи меѓу другите да го одмори и најдобриот поединец Сандер Сагосен кој е убедливо најдобар стрелец на првенството, но и без неколкумина Норвешка забележа победа.
И Словенците комбинираа со составот, а Норвежаните имаа водство цел натпревар освен на почетокот кога Словенија поведе со 1:0. Кон крајот на натпреварот словенечките ракометари успеаја да се доближат и до еден гол негатива, но сепак Норвешка успеа да ги собере бодовите победувајќи со 33:30.
Кевин Гуликсен со 7 голови од 7 удари беше најефикасен и воедно прогласен за играч на натпреварот.
Табела група II:
1. Норвешка 10 (5) 157:135
2. Словенија 6 (5) 138:132
3. Португалија 4 (5) 146:142
4. Унгарија 4 (5) 126:140
5. Исланд 2 (4) 101:110
6. Шведска 2 (4) 88:97
Во другата група кодомаќинот Австрија не успеа да се прости со победа и треба да биде среќна што не заврши со пораз. Белорусија водеше во најголемиот дел од натпреварот, едно време и со 4 разлика, но на крајот Австријците собраа сили и се изборија за реми.
Табела група I:
1. Шпанија 9 (5) 153:127
2. Хрватска 9 (5) 127:113
3. Германија 4 (4) 115:103
4. Австрија 3 (5) 139:156
5. Белорусија 3 (5) 138:160
6. Чешка 0 (4) 100:113
Во полуфиналето во петок ќе се сретнат:
18.00: Шпанија - Словенија
20.30: Норвешка - Хрватска
