Британската аукциска куќа „Sotheby's” продаде розов дијамант за рекордни 71,17 милиони долари. Новиот сопственик е непознат купувач од Хонг Конг.
За скапоцениот камен наддаваа тројца клиенти, пред да се појави најголемата понуда што беше предложена од непознатиот купувач, кој се јави преку телефон.
59,6-каратниот розов дијамант е со големина на јајце. Првично бил откриен во рудник од компанијата „Де Беерс” каде како небрусен камен бил проценет на 132,5-каратен дијамант.
„Розовата ѕвезда” е најскапиот дијамант кој некогаш е продаден на аукција. Дијамантот „Сината месечина на Џозефин” беше продаден за 48,5 милиони долари на аукција во 2015 година, во Женева.