Претставниците на топ 20 тенисери и тенисерки доставија јасна листа на барања до организаторите на четирите грен слем турнири.
Само неколку недели откако Професионалната тениска асоцијација (ПТПА) ги тужеше водечките тениски авторитети (АТП, ВТА, ИТИА и ИТФ), се случи нов потрес во белиот спорт.
ПТПА не ги тужеше грен слемовите, но затоа најдобрите тенисери на планетата планираат потенцијално да го сторат ова, и тоа поради парите.
Според информациите на францускиот „Лекип“, 20-те најдобри тенисери испратиле остро барање до Австралија опен, Ролан Гарос, Вимблдон и УС опен и бараат порамноправна распределба на парите.
Тие во писмото наведуваат дека лига како НБА дава минимум 50% од приходот во текот на една сезона на играчите, а во тенисот таа бројка е многу помала. На пример, вкупниот награден фонд на Ролан Гарос лани изнесуваше 53,4 милиони евра, односно само 16% од приходот на овој турнир (338 милиони).
Претходниот притисок на играчите се исплатеше бидејќи 2022 година забележа значително зголемување на паричните награди, најмногу за победниците на грен слем турнирите (54%), полуфиналистите (60%) и за победниците од првото коло (40%).
Минатата година Ролан Гарос го зголеми наградниот фонд за 7,82% во однос на 2023 година, а победниците во машки и женски сингл добија 2,4 милиони евра.
Кога ќе се соберат сите грен слем турнири, беа поделени вкупно 254 милиони евра наградни средства, што е повеќе од 231 милион од 2023 година, а тие пари ги собраа над 800 натпреварувачи во сите категории.
Сега се очекува реакцијата на организаторите на грен слемовите, пред сè, на Ролан Гарос, кој почнува на крајот на мај. Наградниот фонд Роланд Гарос ќе го објави за еден месец.
