Популарната американска пејачка Тејлор Свифт синоќа ја објави својата нова песна под назив „...Ready For It?“, која веднаш предизвика бура од коментари на социјалните мрежи.
Оваа песна претставува втор сингл и уште една најава на албумот „Reputation“, кој се очекува да биде објавен на 10 ноември.
Тејлор Свифт кон крајот на месец август ја објави првата песна и видео запис со која го најави овој албум, „Look What You Made Me Do“.
Последниот албум на Тејлор Свифт „1989“, беше објавен во 2014 година и освои три Греми награди, како и престижната награда за албум на годината.